စာအုပ်အငှားဆိုင် လွမ်းချင်း

ဓာတ်ပုံ−ညီညီဇော်(7daydaily)

စာအုပ်အငှားဆိုင်လေးထဲသို့ ၀င်လိုက်သည့်အခါ တိတ်ဆိတ်ခြင်းက စတင်ဆီးကြိုနှုတ်ဆက်သည်။

ညီညီညာညာ   စီထားပုံရသော်လည်း ကိုင်တွယ်သူမရှိ သည့် စာအုပ်စင်တန်းမှာ ဖုန်အလိမ်းလိမ်းတက်လျက်။ စာအုပ်စင်တန်းပေါ်က ၀တ္ထုစာအုပ်တစ်အုပ်ကို ဆွဲယူလိုက်ပြီး နောက်ကျောဖုံးကနေတစ်ဆင့် အတွင်းဘက်အဖုံးထဲကို လှန်ကြည့်လိုက်တော့ ဘောပင်ဖြင့် ရေးသားထားသော ဂဏန်းတွဲများက အတန်းလိုက်။ ၁၀၅/၇/၁၂၊ ၈၇/၈/၁၂၊ ၉၄/၉/၁၂ စသည်….။

ထိုဂဏန်းတွေက စာအုပ်အငှားဆိုင်ကနေ စာအုပ်ငှားမည်ဆိုလျှင် ဆိုင်ကစာရင်းစာအုပ် တွင် စာရင်းသွင်းပြီးနောက် ငှားရမ်းမည့်စာအုပ်တွင်ပါ မှတ်သားပေး ခြင်း ဆိုသည်ကို စာအုပ်ငှားရမ်း ဖတ်ရှုသူများ သိကြပါလိမ့်မည်။ ဂဏန်းတွဲသုံးခု ရေးသားထားသည့် အနက် ရှေ့ဆုံးဂဏန်းမှာ စီနီယာနံပါတ်ကို ရည်ညွှန်းပါသည်။ အလယ်ကတော့ နေ့စွဲကိုရည်ညွှန်း ပြီး နောက်ဆုံးဂဏန်းမှာတော့ အင်္ဂလိပ်လကို မှတ်သားခြင်းဖြစ်သည်။ ရှေ့ဆုံးက စီနီယာနံပါတ် ကို ကြည့်လိုက်ရုံဖြင့် တစ်နေ့တစ် နေ့ စာအုပ်ငှားရမ်းမှုအရေအ တွက်ကို ခန့်မှန်းနိုင်ပါသည်။ နောက်ပြီး စာအုပ်နောက်ကျောဖုံးအ တွင်းဘက်မှာ တစ်တန်းပြီး တစ်တန်းရေးသားထားသော ရှည်လျားလှသည့် ထိုဂဏန်းတွဲ မှတ်သားမှုများမှတစ်ဆင့် စာအုပ် တစ်အုပ်၏ ငှားရမ်းဖတ်ရှုမှုနှုန်း ကို တွေ့မြင်ရမည် ဖြစ်သည်။ ဒါတောင်ရက်လွန်ယူကာ ငှားရမ်းမှုမပါသေး။ ထိုရှည်လျားပေများလှ သော စာအုပ်ငှားရမ်းမှု မှတ်တမ်းကြီးတွေက ယခုခေတ်ကာလ မဟုတ်ပါ။ လွန်ခဲ့သော ဆယ်စုနှစ်များဆီကသာ ဖြစ်လေသည်။

ငယ်စဉ်က မိဘများ၏ လမ်းပြခေါ်ယူမှုကြောင့် စာအုပ်အငှားဆိုင်ကလေးတွေနှင့် စတင်သိကျွမ်းရသည်။ တစ်နေ့တစ်နေ့ စုံလင်စွာထွက်လာသော ကာတွန်းရုပ်ပြပေါင်းစုံကြောင့် တစ်နေ့တလေမှ စာအုပ်အငှားဆိုင်မသွားရလျှင် မနေတတ်မထိုင် တတ် ဖြစ်တော့သည်။ ကိုပူစီ၊ ဒီလုံး၊ ကိုစူပါ၊ သမိန်ပေါသွပ်၊ ဇီးကွက်လစဉ်၊ ဦးကပ်စေး၊ ရှံစားဒိန်းဒေါင်၊ ပြာဂလောင် ပြာလချောင်၊ အရိုင်း၊ ဦးစိတ်တိုနှင့် မျောက်ညို၊ စံရွှေမြင့်၊ ဘိုဘို၊နန်းဦး၊ အပါလွင်၊ တင်မောင်ဝင်း၊ ကိုရွှေထူး၊ ပိုးဇာ၊ တွတ်ပီ၊ ဒီရဲဂျာ စသည့်စသည့် ကာတွန်းရုပ်ပြတွေက ကလေးတစ်ယောက်၏ အာရုံကို အတော်လေးဖမ်းစားနိုင် ခဲ့သည်။

မနက်လင်းပြီဆိုသည်နှင့် မုန့်ပင် မစားနိုင်သေးဘဲ စာအုပ်အငှားဆိုင်ရှေ့ သွားထိုင်စောင့်ခဲ့သည့် နေ့ရက်တွေက များမှများ။ မိမိကြိုက်သည့် စာအုပ်အသစ်ကလေးများ ပါလာခဲ့ပြီဆို လျှင် ၀မ်းသာလိုက်သည့်ဖြစ်ခြင်း။ အသစ်စက်စက် ကော့ပျံနေသည့် စာအုပ်ကလေးကိုဖွင့်ကာ နမ်းရှုပ်ကြည့်မိသည်အထိ စာအုပ်အသစ်အနံ့လေးတွေကို စွဲနေမိသည်။ မိမိယူနေကျ၊ ငှားနေကျ စာအုပ်အမျိုး အစားမျိုးကို တခြားသူက ယူသွားပြီဆိုလျှင်တော့ ပွဲကြမ်းတော့သည်။ ငှားသွားသူထံ ခဲနှင့်သွားထုသည်။ ရန်ဖြစ်သည်။ စာအုပ်ကိုမရမက ပြန်လည်တောင်းယူ သည်။ ထို့ကြောင့် စာအုပ်ဆိုင်က နာမည်ပေးထားသည်။ စာကြမ်း ပိုးဟူ၏။

ကြမ်းပိုးတစ်ကောင်သည် သူသွေးစုပ်ယူလို့ရမည့် နေရာမှာပျော်သလို စာကြမ်းပိုးတစ်ယောက် သည်လည်း သူ့အတွက် ရသ ပေါင်းစုံ စုပ်ယူခံစား၍ရမည့် စာအုပ်အငှားဆိုင်များတွင်သာ ပျော်လေသည်။ ကလေးအရွယ်မို့ ဆော့ချိန်တန်ဆော့၊ ကစားချိန်တန်ကစား၊ ကျောင်းစာလုပ်ချိန် လုပ်ခဲ့သော်လည်း တခြားအချိန်များတွင် တော့ စာအုပ်တစ်အုပ်ဖြင့် မွေ့လျော်နေရခြင်းသည်သာ ပျော်စရာအကောင်းဆုံး အချိန်များပင်။

မိုးရွာလျှင် ထီးတစ်ချောင်း ဖြင့် စာအုပ်အငှားဆိုင်ကလေးဆီ ပြေးသည်။ ငှား၍ရလာသည့် စာအုပ်တွေကို ပလတ်စတစ်အိတ်ဖြင့် လုံခြုံစွာထည့်သိမ်းရင်း အိမ်ကိုပြန်သည်။ အိမ်ရောက်လျှင် ခြေဆေးလက်ဆေးပြီး ခြင်ထောင်ထဲ ၀င်ကာ စာအုပ်တွေ တစ်အုပ်ပြီး တစ်အုပ်ဖတ်သည်။ အပြင်မှာ မိုးက သဲသဲမဲမဲ ရွာလို့ကောင်းလေ စာအုပ် တွေ တစ်အုပ်ပြီးတစ်အုပ်ဖတ် ကာ အရသာခံ၍ကောင်းလေပင်။

ဆောင်းတွင်း ချမ်းချမ်းစီးစီး ချိန် ရောက်လာပြန်လျှင်လည်း စာအုပ်နှင့် တစ်စက်ကလေးမျှဝေးချိန်မပေးခဲ့ပါ။ မနက်ခင်း နေရောင်ခြည်မှာ အချမ်းပြေလှုံရင်းစာအုပ်ဖတ်ပြန်သည်။ ညဘက်ရောက်တော့  ဘက်ထရီမီး၊ဖယောင်းတိုင်မီးလေးတွေဖြင့် စောင်ခြုံကာ ဖတ်ပြန်သည်။ မနက်နိုးလျှင် ချက်ချင်းမထသေးဘဲ စောင်ခြုံလျက် စာအုပ်တွေ ကောက်ဖတ်နေပြီဆိုလျှင်တော့ မိခင်ဖြစ်သူ က အော်တော့သည်။

နွေရာက်လာ ပြန်တော့လည်း စာအုပ်တွေနှင့် ပိုလို့တောင် နီးနီး ကပ်ကပ်နေဖြစ်လာခဲ့သည်။ ကျောင်းပိတ်ပြီဖြစ်၍ မနက်လင်းသည်နှင့် စာအုပ်အငှားဆိုင်တန်း ပြေးကာ စာအုပ်ငှားဖို့ တာစူတော့ သည်။ လောဘတကြီးဖြင့် ငှားလာသည့် စာအုပ်တွေဖြင့် ပူစစနွေနေ့တွေကို ဖြတ်သန်းသည်။  ညဘက်ရောက်လျှင်လည်း လမ်းဘေးဓာတ်တိုင်အောက် စာအုပ်ဖတ်ရင်း နွေညတွေကို ဖြတ်ကျော် သည်။

နွေပေါက်လျှင်တော့ စာအုပ်အငှားဆိုင်လေးမှာ ပို၍ပို၍ လူရှုပ်လာတတ်လေပြီ။ ပုံမှန်ငှားနေကျစာဖတ်သူအပြင် နွေကျောင်းပိတ် ၍ ရောက်လာတတ်သည့် ကလေးတွေကြောင့် စာအုပ်အငှားဆိုင်က ပိုပြီး လူစည်လာခဲ့လေပြီ။ စာအုပ်အသစ်ရဖို့အရေး ဆိုင်ရှင်နှင့် ရင်းနှီးအောင်ပေါင်းရသည်။ စာအုပ်သွားဝယ်သည့် ဆိုင်ရှင်ကို ကားဂိတ်ကနေ သွားကြိုသည်။ ပါလာသည့် စာအုပ်တွေချုပ်ဖို့ ဂျပ်စက္ကူတွေ၊ ပလတ်စတစ်လိပ်တွေကို သွားသယ်ကူကြသည်။

စာအုပ်ချုပ်နေသည့် ဆိုင်ရှင်ဘေးမှာ ကလေးတွေက ပတ်လည်ဝိုင်းနေသည်။ ဘယ်စာအုပ်ကတော့ သားယူမည်၊ ဘယ်ကာတွန်းကတော့ သမီးအရင်ငှားမည်အသံတွေက ဆူညံနေသည်။ ဆိုင်ရှင်က စာအုပ်ချုပ်ရင်း ဘယ်သူ့ကို ဘယ်စာအုပ်ပေးရမည်ဆိုတာကို စိတ်ထဲကနေ ခွဲတမ်းချနေရသည်။ မဖြစ်မနေ ချန်ထားပေးရမည့် အမြဲတမ်းငှားရမ်းနေကျ လူတွေအဖို့လည်း စာအုပ်တွေ ချန်တန်ချန်ရသည်။ ကောင်တာအံဆွဲထဲ ၀ှက်တန်ဝှက်ရသည်။

ကလေးဘ၀ကနေ တစ်ဆင့်ဆယ်ကျော်သက် အရွယ်ရောက်လာပြန် တော့လည်း စာအုပ်ပိုးက မသေသေး။ သိုင်းစာအုပ်အတွဲ လိုက်ဆိုလျှင် လူငယ်တွေ ကြိုက်မှကြိုက်။ လေးအုပ်တွဲ၊ ရှစ်အုပ် တွဲတွေကို ဟောတစ်အုပ်၊ ဟော တစ်အုပ် ဖတ်ကြပြန်သည်။ မင်းသိင်္ခ၊ မင်းမြတ်သူရ၊ တက္ကသိုလ်တင်မြင့်၊ မောင်စိန်ဝင်း (ပုတီး ကုန်း)၊ ဂျူး၊ မင်းလူ၊ နီကိုရဲ၊ လွန်းထားထား(ဆေးတက္ကသိုလ်)၊ လမင်းမိုမို၊ ပုညခင်၊ ရှင်မိုးစတဲ့ စာအုပ်တွေထွက်ပြီဆိုလျှင် အလုအယက်။ ဒါတောင်စာရေးဆရာတချို့တွေကျန်နေသးသည်။ တချို့စာအုပ်မျိုးဆို တစ်အုပ်တည်းနှင့် မလောက်၍ နှစ်အုပ်၊ သုံးအုပ်တောင် ထားပေးရသည်။

လူကြီးတွေကလည်း ကလေးတွေ လူငယ်တွေနှင့်အပြိုင် ငှားရမ်းကြပါသည်။ စာဖတ်သက်နုသေးသူ၊ ၀တ္ထုဖတ်ရတာ အားမရသေးသူတွေကတော့ လူငယ်တွေဖတ်သည့် စာအုပ်မျိုးတွေ ရော သူတို့ခေတ်အရ ကြိုက်နှစ်သက်နေဆဲဖြစ်သည့် ကလျာ(၀ိဇ္ဇာသိပ္ပံ)တို့၊ ရှားတို့၊ မီကိုဇူးဇင်တို့ တစ်တွေကို မက်မက်မောမော ဖတ်နေကြဆဲဖြစ်သည်။ ၀တ္ထုဖတ်ရာကနေတစ်ဆင့် သတင်းအကြောင်းအရာကို စိတ်ဝင်စားသူ တွေ၊ ရသ၀တ္ထုတိုတွေ၊ ဆောင်းပါးတွေ၊ အက်ဆေးတွေ ဖတ်ချင်သူတွေကတော့ လစဉ်ထုတ်မဂ္ဂဇင်းတွေဘက် လှည့်ကြသည်။

ရွှေအမြုတေ၊ မဟေသီ၊ ကလျာ၊ စံပယ်ဖြူ၊ ဓန၊ မြန်မာ့ဓန၊ မြားနတ်မောင်၊ ရုပ်ရှင်တေးကဗျာစသည့် မဂ္ဂဇင်းတွေ ထွက်ပြီဆိုလျှင်လည်း သူ့ထက်ငါဦးအောင် ငှားကြသည်။ ဂမ္ဘီရလိုင်းဘက်က မဂ္ဂဇင်းများကလည်း လစဉ်စောစောထွက်နေကျဖြစ်၍ မဂ္ဂဇင်း    ပရိသတ်အတွက်က လည်း ဖတ်ဖို့ရန် အလုံအလောက် ပင်။

သို့သော် ထိုကဲ့သို့သော စာအုပ်အငှားဆိုင် ရွှေခေတ်တွေက ဖြင့် လွန်ခဲ့သော ဆယ်စုနှစ်ကျော်ကာလတွေမှာ ကျန်ခဲ့လို့သွားခဲ့ပါပြီ။ ယခုတော့ မိမိတို့ကြိုက်နှစ် သက်စွာ စွဲလမ်းခဲ့ရသော ကာတွန်း ဇာတ်ကောင်ပေါင်း များစွာသည် လည်း ယခင်ခေတ်ထဲမှာ ကျန်ခဲ့ပါလေပြီ။ လုံးချင်းဝတ္ထုများသည် လည်း တစ်အုပ်စနှစ်အုပ်စက လွဲ၍ မှန်မှန်မထွက်နိုင်တော့။ မဂ္ဂဇင်း   တော်တော်များများက တော့ အပြီးတိုင်ဖြုတ်သိမ်းကာ ဘ၀ဆုံးသွားခဲ့လေပြီ။

ယခင်က နေ့စဉ်စာအုပ်အ သစ်ရောက်ခဲ့သော စာအုပ်ဆိုင်ကလေးတွေမှာ ယခုတော့ တစ်ပတ်နေလို့မှ စာအုပ်အသစ်က ၁၀ အုပ် မရောက်တော့။ စာအုပ်ဖတ်သူ နည်းပါး၍ စာအုပ်အသစ်ကမထွက်၊ စာအုပ်အသစ် မထွက်တော့ ငှားသူကမရှိ၊ ထိုသို့လုံးလည် ချာလည်လိုက်ရင်း စာအုပ်အငှားဆိုင်ကလေးတွေ တဖြုတ်ဖြုတ် ကြွေလွင့်သွားခဲ့ရသည်။ ဖြူစင်ရိုးရှင်းလွန်းလှသည့်မိသားစုပေါင်းများစွာကို ထမင်းအိုးတည်ပေးနိုင်ခဲ့သည့် စာအုပ် အငှားဆိုင် ကလေးတွေ ပျောက်ကွယ်သွား ရသည်။

လူတွေ စာမဖတ်ကြတော့ ဘူး ဆိုသည်မှာ မှန်သင့်သလောက် မှန်သော်လည်း လုံးဝမဖတ်တော့ ခြင်းတော့ မဟုတ်ပါ။ မကြာခဏ ပြုလုပ်နေသော ရန်ကုန်၊ မန္တလေးမြို့ကြီးများမှ စာအုပ်အရောင်းပွဲတော်များ လူစည်ကားနေခြင်းအားဖြင့် စာဖတ်နေကြဆဲပဲ ဆိုတာကို ခန့်မှန်းနိုင်ပါလိမ့်မည်။ အွန်လိုင်းပေါ်မှတစ်ဆင့် ရောင်းဝယ်နေကြသော စာအုပ်များကို ကြည့်ခြင်းအားဖြင့် စာပေ၀ါသနာအိုးများ ရှိနေကြဆဲကို သတိပြုနိုင်ပါသည်။ သို့သော် ၀ယ်ဖတ်တာနှင့် ငှားဖတ်တာ ခြားနားချက်တစ်ခုတော့ ရှိပါသည်။

ကိုယ်ပိုင်ဝယ်ဖတ်သဖြင့်  ကိုယ်ဖတ်ချင်သည့် အချိန် ဖတ်၍ရသောကြောင့် မဖတ်ရသေးသော စာအုပ်များ ပုံနေသည်ကို စာချစ် သူများ ကြုံဖူးကြပါသည်။ စာ အုပ်အငှားဆိုင် ဆိုလျှင်တော့ အချိန်တန် ပြန်အပ်ရမည်ဖြစ်၍ ပြီးအောင် ဖတ်ကြရသည်။ ၀ယ်ဖတ်ရတာထက် စာအုပ်များများ ပိုဖတ်ဖြစ်သည်။ ဒီနေရာမှာ စာကြည့်တိုက်က ငှားဖတ်လျှင်လည်း  ရပါသည်။ သို့သော် စာကြည့် တိုက်ဆိုတာမျိုးက စာပေ၀ါသနာ အိုးများမှလွဲ၍ စာဖတ်သက်နုသေးသူများအဖို့သွားလေ့သွားထ နည်းပါးလေ့ရှိသည်။ ထို့ ကြောင့် စာဖတ်သက်နုသေးသူ များအတွက် အပျော်ဖတ်အဆင့် မှတစ်ဆင့် ဆွဲဆောင်နိုင်ဖို့ ရပ် ကွက်များထဲတွင် စာအုပ်အငှား ဆိုင်ကလေးများ လိုအပ်နေပါ သေးသည်။

ယခုတော့ စာအုပ်အငှားဆိုင် ကလေးတွေက ရွှေထက်ရှားလေပြီ။ ကျန်သည့်စာအုပ် အငှားဆိုင်လေးများမှာလည်း ခပ်ယဲ့ယဲ့ဖြင့် အသက်ဆက်နေရသည်။ ငှားရသည့် စာအုပ်မှတ်တမ်းက လည်း တစ်ရက်တစ်ရက် စာအုပ်လေးငါးဆယ်ပင် မပြည့်တော့။ ဖုန်အလိမ်းလိမ်းတက်နေသော စာအုပ်စင်တန်းကြီးတွေက ကိုင်သူမဲ့နေသဖြင့် ငိုမဲ့မဲ့ ဖြစ်နေသ ယောင်ယောင်။    ။

ညီညီဇော်

Credit - www.7daydaily.com

Open Source URL
http://www.7daydaily.com/story/106207

မိုးတွေရွာရင်

Photo - myanmarpeoplemagazine

(၁)

ကောင်းကင်တစ်ခွင်လုံး မည်းညှို့ညှို့ အရောင်သမ်းလာပြီဆိုလျှင် ကျွန်တော်တို့စိတ်ညစ်ရပြီဖြစ်သည်။ မိုးတွေရွာတော့မည်။ ကောင်းကင်မည်းမည်းကြီးက တစ်ဝေါဝေါအသံတွေခေါ်လာပြီး မိုးစက်မိုးပေါက်တွေနှင့် ကမ္ဘာမြေပြင်ပေါ် ကြဲချ 
တော့မည်။ ကျွန်တော်နှင့် သက်ထွေး တစ်ယောက်ကိုတစ်ယောက်ကြည့်ပြီး ငိုမဲ့မဲ့ဖြစ်ကြတော့မည်လေ။ မိုးရွာပြီဆိုလျှင် ကျွန်တော်တို့နှစ်ယောက် ခါတိုင်းထက်ပိုပြီး အလုပ်ရှုပ်ရတော့မည်။

ကျွန်တော်တို့အလုပ်လုပ်ရာ ၀ပ်ရှော့ကိုလာသည့် ကားများ၏ အတွင်းပိုင်းနှင့် အင်ဂျင်ရေမစိုအောင် ကာကွယ်ဖို့လုပ်ရမည်။ အပြင်မှာ ပြင်လက်စထားသည့် တာယာကြီးများ၊ လေပိုက်များ၊ ဂွများ၊ ပစ္စည်းပစ္စယများ အားလုံးကို ၀ပ်ရှော့ထဲမိုးလုံရာနေရာကို ရွှေ့ပြောင်းပို့ရမည်။

ဦးစိုးအောင်နှင့် ဦးသိန်းဝင်းတို့ ကားပြင်နေ လက်စဆိုပါက မိုးရွာထဲလည်းမရှောင်ရဘဲ သူတို့ အနားမှာနေပြီး ပစ္စည်းတွေကမ်းပေးရမည်။ ကားအောက်ထဲဝင်နေသည့် ဦးသိန်းဝင်းက အထဲကနေပြီး ဘာလေးကမ်းပေးပါဟေ့ ဆိုလျှင် အပြင်ကနေ 
ပြီး ငုတ်တုတ်ထိုင်စောင့်နေရသည့် ကျွန်တော်တို့က သူလိုချင်ရာရှာကမ်းပေးရသည်။ မိုးရွာပြီဆိုလျှင် ငုတ်တုတ်လေးထိုင်လျက်သား တခိုက်ခိုက်တုန်အောင်ချမ်းပေမယ့် ကားပြင်မပြီးမချင်း ဒီအတိုင်းနေရသည်။ အချမ်းပြေအင်္ကျီလည်း သွားမလဲရဲ။ သူတို့ဆူမှာကြောက်ရသည်။ အဲဒီအချိန်ဆို အိမ်အလွမ်းဆုံးအချိန်ပေါ့။
အဆိုးဆုံးက မိုးတွေရွာပြီး မီးပျက်တဲ့ အချိန်ပါပဲ။

ကျွန်တော်တို့ အလုပ်ခွင်ဝပ်ရှော့၏ ခြံထောင့်တည့်တည့်မှာ မီးစက်ကြီးတစ်လုံးထိုင်ထားပါသည်။ မီးပျက်လျှင် အဲဒီမီးစက်ကြီးကို ကျွန်တော်တို့ နှစ်ယောက်အလှည့်ကျနှိုး ရသည်။ မီးစက်ကြီးက အကြီးကြီး။ ကျွန်တော့်တစ်ဖက်စာကျော်သည်။ ဂေါက်လှည့်တံထည့်သည့်နေရာမှာ ဂေါက်တံထည့်။ ဘေးကဘားကိုကိုင်ထားပြီး အားကုန်ရှိသရွေ့လှည့်နှိုးရတာဖြစ်သည်။ ဂေါက်လှည့်နေသည့်အချိန် ဘားကိုမလွှတ်နဲ့။ မီးစက်အရှိန်ရပြီး နှိုးလာမယ့်အချိန် ဘားနှင့် ဂေါက်တံကို တစ်ပြိုင်တည်းလွှတ်။ ဘားလွှတ်တာ မတော်ရင် ဂေါက်ပြန်ရိုက်ပြီး လူကိုထိပါသည်။

သက်ထွေးပေါ့။ တစ်ခါတုန်းက ဂေါက်ပြန်လှည့်ရိုက်မိပြီး မျက်ခုံးအပေါ်ကိုထိသွားတာ။ ငိုလိုက်တာများ။ သွေးတွေလည်း တပွက်ပွက်ထွက်လိုက်တာ။ ဆေးခန်းသွားတော့ လေးချက် ချုပ်လိုက်ရသည်။ အနာရှိန်ကြောင့်ဖျားပြီး အိပ်ယာထဲလဲနေရတာ နှစ်ပတ်လောက်တောင်ကြာတာ။ အဲဒီအချိန် အပင်ပန်းဆုံးကတော့ ကျွန်တော်ပေါ့။ မိုးတွေကရွာ။ မီးကလည်းပျက်။ မိုးသံတွေ၊ မီးစက်သံတွေ၊ ၀ပ်ရှော့ထဲ စကားအော်ပြောသံတွေ ဗလုံးဗထွေးနှင့် မုန်းစရာကောင်းလိုက်တာ။ မီးစက် 
မောင်းထားတော့ပိုဆိုးတာပေါ့။

စက်နှိုးပြီး ဒီအတိုင်းလွှတ်ထားလို့ရတာမှမဟုတ်ပဲ။ မီးစက်အထဲမှာထည့်ထားသည့် ရေပူလာလျှင်လဲ ပေးရသည်။ ဆီကုန်မကုန် နာရီဝက်တစ်ခါလောက်ကြည့်ပေးရသည်။ တကယ်လို့ အမှတ်တမဲ့ ဆီကုန်သွားပြီးစက်ရပ်သွားရင် သေပြီပဲ။ ၀ပ်ရှော့တစ်ခုလုံးကလူတွေ ကျွန်တော့်ကို ဆူတော့မည်။ ဦးသိန်းဝင်းဆိုရင် ကျွန်တော့်ကိုမိုက်မိုက်ရိုင်းရိုင်းဆဲပြမည်။ ကျွန်တော်ကတော့ ဆီထပ်ဖြည့်၊ လေခိုသွားတဲ့ဆီကို နံပါတ် ၁၉ ဂွ အသုံးပြုပြီးဆီရှူရမည်။ ဆီရှူမည်ဆိုပါက ဆီပေါက်ဖြစ်သည့် ၁၉နပ်ခေါင်းကိုလှည့်ရှူရတာမို့ ဒီဇယ်ဆီ နည်းနည်းပါးပါးတော့ အပြင်ကို ဖိတ်စင် ကျကုန်မည်ပေါ့။ ဒါပေမဲ့ အဲဒါကို အလဟသ မဖြစ်အောင် ခွက်ကလေးအသုံးပြုပြီး ခံထားရမည်။ အပြင်ကိုဖိတ်ရင်လည်း ဦးသိန်းဝင်းကဆူသည်။

ဦးသိန်းဝင်းနှင့် ဦးစိုးအောင်ဆိုတာက ကျွန်တော်တို့ကို အုပ်ချုပ်သည့်ခေါင်းဆောင်ကြီးတွေ။ ၀ပ်ရှော့မှာ အပြင်ဆရာကြီးတွေပေါ့။

“ကျော်ကျော်၊ ငါအမေ့ကို သိပ်သတိရတာပဲကွာ”

သက်ထွေးက နေမကောင်းဖြစ်ပြီဆိုလျှင် အားငယ်တတ်သည်။ အဲဒီအချိန်အားပေးဖော်ကလည်း ကျွန်တော်တစ်ယောက်တည်း။ ၀ပ်ရှော့၏ အပေါ်ထပ် ထပ်ခိုးလေးမှာ ကျွန်တော်တို့နှစ်ယောက်နေရသည်။ သက်ထွေး အားငယ်ရင် ကျွန်တော်ကသူ၏ အားပေးဖော်ပေါ့။ ဒီကောင့်မှာက အဖေရော၊ အမေရောမရှိတော့ဘူး။ ရွာမှာ ကျန်ခဲ့သည့် အဒေါ်တွေ၊ ညီမတွေကို ဒီမှာအလုပ်လုပ်ရင်း ထောက်ပံ့နေတာဖြစ်သည်။ ကျွန်တော်ကတော့ ဒီကောင့်ထက်စာရင် အများကြီးကံကောင်း 
တာပေါ့။ အဖေရော၊ အမေရောရှိသည်။ ငွေကြေး အဆင်မပြေလို့သာ ဒီမှာလာလုပ်နေရတာ။ အဖေက သိပ်မကြာခင်ပြန်လာခေါ်မှာတဲ့။

“ဖိုးထွေး၊ မင်းဘာမှ အားငယ်စရာ မလိုပါဘူးကွာ။ တစ်ချိန်ချိန်မှာတော့ ငါတို့မလုပ်ချင်ဘဲ လုပ်နေရတဲ့ ဒီဝပ်ရှော့ကနေလွတ်မြောက်မှာပါ”

ကျွန်တော်က ဆယ့်သုံးနှစ်၊ သက်ထွေးက ဆယ့်လေးနှစ်။ ဒီကောင်က ကျွန်တော့ထက် တစ်နှစ်ကြီးပေမယ့် ကျွန်တော့်ထက်အားငယ်တတ်သည်။ ကျွန်တော်တို့နှစ်ယောက် အဖြစ်ချင်ဆုံးဆန္ဒမှာ ဒီဝပ်ရှော့ကနေ လွတ်မြောက်ဖို့ဖြစ်သည်။ အဖေလာခေါ်တဲ့နေ့ ကျွန်တော်လွတ်မြောက်တဲ့နေ့။ ဒီကောင်ကတော့ ဘယ်အချိန်လဲ ကြိုမသိဘူးပေါ့။

×××××

Photo - myanmarpeoplemagazine

(၂)

“ကျော်ကျော်ရေ … မိုးတွေညိုလာပြီဟေ့”

မလိုအပ်သည့် ပစ္စည်းတွေ အပြင်ထုတ်မလာဖို့ သက်ထွေးက ကျွန်တော့်ကို လှမ်းသတိပေးလိုက်တာ ဖြစ်သည်။ ၀ပ်ရှော့ထဲမှာရှိသည့် စက်ပစ္စည်းတချို့ကို အမဲဆီသုတ်ပေးနေရာမှ ကျွန်တော်ခေါင်းညိတ်ပြ လိုက်သည်။ ကျွန်တော်တို့နှစ်ယောက်လုံး ဆုတောင်းမပြည့်ကြပါ။ မိုးဖွဲဖွဲစတင်ရွာလာတာနှင့် ၀ပ်ရှော့ရှေ့ ကားတစ်စီးရောက်လာသည်။ အမျိုးသမီးတစ်ယောက်မောင်းသည့် ဆလွန်းကားလေး။

“ဘီးနှစ်ဘီးလုံးပေါက်သွားတာ လဲမလို့တဲ့ဟေ့”

ဦးစိုးအောင်က အဲဒီလိုအော်ပြီဆိုရင် ကျွန်တော်တို့နှစ်ယောက်ကိုပဲ အော်တာဖြစ်သည်။ ကျွန်တော်တို့၏ အကျွမ်းကျင်ဆုံးအလုပ်က ဘီး လဲတာလေ။ ကားအလယ်ကို ချိုင့်နှင့်ထောက်။ ဂွင်းဂွကြီးတွေကိုင်ပြီး ဘီးဖြုတ်လဲပေးရတာလောက်လွယ်တာမရှိဘူး။ ကားကြီးတွေဆိုရင်တော့ နည်းနည်းခက်တာပေါ့။ ကားဘီးဖြုတ်ဖို့ နပ်ခေါင်းကြီးတွေချွတ်ရတာ အားကုန်လိုက်တာ။ တစ်ခါတလေ မူလီခေါင်းကြီးတွေ ကြပ်ထားတာများ ဂွင်းဂွထဲသံချောင်းထည့် ကျွန်တော့်ခန္ဓာတစ်ခုလုံးတက်ပြီး ခြေစုံဖိချရသည့် အထိတောင်ပါပဲ။ ဘယ်မူလီခေါင်းက ဘယ်ဂွနှင့် တော်သလဲဆိုတာကို ကျွန်တော်တို့အလွတ်ကျက်ထားရသည်။ ဥပမာ-မီးစက်ဆီရှုသည့်နေရာဆို ၁၉ ဂွ၊ လေပိုက်နေရာဆို ၁၇ နံပါတ်ဂွ စသည်ဖြင့်ပေါ့။ ဘယ်ဟာအတွက် ဂွပေးပါဟေ့ဆိုရင် တန်းမသိလို့ကတော့ ဦးသိန်းဝင်း၏ နှမ၊ မအေတုတ်ပြီးဆဲတာ ခံရရောပဲ။

ကျွန်တော်တို့နှစ်ယောက် ဆလွန်းကားပြာလေးကို သေသပ်ကျနစွာဘီးလဲပေးလိုက်စဉ်မှာပဲ မိုးကသည်း ကြီးမဲကြီးရွာချပါလေသည်။ တော်သေး တာပေါ့၊ ပြီးသွားလို့။ ကျန်တဲ့ဘီးဖာပေးတဲ့ကိစ္စတွေကတော့ ကျွန်တော်တို့ အဓိကအလုပ်မဟုတ်။ ဖာနေစဉ်ဝိုင်းကူရုံသာ။

“သားတို့ရေ ကျေးဇူးပဲကွယ်”

ကားကောင်းသွားပြီမို့ ၀ပ်ရှော့ရုံထဲမှာ ထိုင်ပြီး ဦးသိန်းဝင်းတို့နှင့် စကားပြောနေသည့် အမျိုးသမီး ထွက်လာသည်။ ထီးအကြီးကြီးဆောင်းရက်သား။ ဘေးမှာ ကျွန်တော်တို့အရွယ် ကောင် မလေး တစ်ယောက်ရောပါသည်။ ကားပေါ်ကဆင်းတုန်းက ဘီးလဲပေးဖို့ပဲ နှစ်ယောက်စလုံး၏ အာရုံမှာရောက်နေတာမို့ ဘယ်နှစ်ယောက်ပါတယ်ဆိုတာကို သတိမထားမိခဲ့။

“သူ့သမီးထင်တယ်နော်၊ ကံကောင်းလိုက်တာ”

သက်ထွေးက ကျွန်တော့်နားကပ်ပြီးတိုးတိုးပြောသည်။ မိုးသံကျယ်နေပေမယ့် ကောင်းကောင်းကြားရပါသည်။ ဟုတ်တယ်။ သူ့ဘ၀က ကောင်းလိုက်တာ။ ကြည့်… ထီးပေါ်ကတစ်ဆင့် ကျလာ သည့် မိုးရေတွေကို လက်နှင့် တောက်ပြီး ဆော့ကစားနေတာ မိုးရွာတာကို သိပ်သဘောကျနေသည့်အတိုင်း။ ကျွန်တော်တို့ကျတော့ ချမ်းလို့တုန်ပြီး အနားယူချင်လှပြီ။ ကောင်မလေးဝတ်ထားသည့် ဂါဝန်လှလှကလည်း မနည်းပေးရမှာ။

အသားလေးကို ဖြူဝင်းစိုနေပြီး ဆံပင်ကောက်ကလေးနှင့် ကိုရီးယားမလေးကျနေတာပဲ။ အမျိုးသမီးကြီးက သမီးဖြစ်သူကို ကားတံခါးဖွင့်ပေးလိုက်ပြီး ကားထဲဝင်စေသည်။ ပြီးတော့ ပိုက်ဆံအိတ်ထဲက ပိုက်ဆံတစ်ရွက်ထုတ်ပြီး ကျွန်တော့်လက်ထဲ ဖျတ်ကနဲ ထည့်ပေးသည်။

“ဘယ်သူမှမသိစေနဲ့နော်။ သားတို့နှစ်ယောက်အတွက် မုန့်ဖိုး”

ထီးကြီးကွယ်ပေးတာမို့ ဘယ်သူမှမြင်မည် မထင်ပါ။ သူက ပိုက်ဆံထည့်ပေးပြီးတာနှင့် ကားထဲ အလျင်အမြန်ဝင်သွားကာ ထီးစိုကြီးကို ဘေးမှာချ၊ ကျွန်တော်တို့ကို တာ့တာပြပြီး မောင်းထွက်သွားတော့သည်။ ရုတ်တရက်မို့ ကျွန်တော်လည်း ငြင်းချိန်မရဘဲ သူ့လှုပ်ရှားပုံကို တအံ့တသြ ငေးကြည့်နေမိသည်။ ဟိုကောင်သက်ထွေး ရောတူတူပါပဲ။ လက်ထဲက ပိုက်ဆံကိုကြည့်တော့ …

“ဟာ… ငါးထောင်တန်ကြီးဟ”

နှစ်ယောက်သား မျက်လုံးပြူးသွားကြသည်။ ဘယ်သူမြင်မလဲတွေးမိပြီး ဘေးဘီဝဲယာ လှည့် ကြည့်လိုက် မိသည်။ ဦးသိန်းဝင်းတို့တွေ့ရင် ရစရာမရှိအောင်ဆူမှာ။ အဲဒီလိုမျိုး မုန့်ဖိုးပေးရင် မယူရဘူးလို့ တားထားတယ်လေ။

×××××

(၃)

“ငါတို့တွေ ဒီ ၅၀၀၀တန်ကို ဘယ်လိုသုံးရ မလဲဟင်”

ကိုယ်ပိုင်ပိုက်ဆံအဖြစ် အသုံးပြုရမည်ဆိုတော့ ကျွန်တော်တို့နှစ်ယောက် ဦးနှောက်စားရပါသည်။ လိုချင်တာတွေ၊ ၀ယ်စားချင်တာတွေက အများကြီး။ ၀ပ်ရှော့က လူတွေသိမှာလည်း ကြောက်ရသည်။ ဘီးလေးလဲပေးတာ ငါးထောင်တောင် မုန့်ဖိုးပေးတယ်ဆိုတာ ဘယ်သူယုံမှာလဲ။ အမှန်တော့ အမျိုးသမီးကြီးက သူ့သမီးနှင့်ယှဉ် ပြီး သနားလို့ပေးတာနေမှာပါ။

ဘီးလဲတာက အသိတွေဆိုင်ဆိုရင် အလကားတောင်လဲပေးတာ။ သက်ထွေးက တစ်ယောက် ၂၅၀၀ စီခွဲပြီး သိမ်းထားချင်သည်။ ဒါပေမဲ့ မဖြစ်။ ၀ပ်ရှော့မှာနေရတာက လုံခြုံတာမဟုတ်။ တစ်ယောက်ယောက်မြင်သွားရင်လည်း ဘယ်က ရလာတာလဲဆိုပြီး ရစ်နေဦးမည်။

ပိုက်ဆုံစုရင် ဦးစိုးအောင်ဆီမှာပဲ စာရင်းနှင့် စုထားရတာ။ ကျွန်တော်တို့မှာ ပိုက်ဆံကိုင်ခွင့်ဆိုလို့ ၀ပ်ရှော့ရှင်ကပေးတဲ့ တစ်နေ့မုန့်ဖိုး ၂၀၀ ပဲရှိတာ။ လကုန်ရင်လည်း ဦးစိုးအောင်ကပဲ ကျွန်တော်တို့လခတွေကို အိမ်ကိုပို့ပေးတာ။ အသုံးစားရိတ်
ကတော့ လခထဲကကြိုထုတ်ပေးပါသည်။ အင်္ကျီဝယ်မှာတို့၊ ဖိနပ်ဝယ်မှာတို့ကအစပေါ့။ အဓိကကတော့ ကျွန်တော်တို့လက်ထဲ ပိုက်ဆံတစ်ထောင်ထက် ပိုမထားရပါ။ အခုဟာက နှစ်ယောက်ပေါင်း ၅၀၀၀ တောင်။

“ရှုပ်ပါတယ်၊ ငါတို့တွေ ပစ္စည်းမ၀ယ်ဘဲ မစားဖူးသေးတဲ့ မုန့်တွေအ၀အပြဲဝယ်စားကြတာပေါ့”

ကျွန်တော်တို့ဝယ်စားချင်တဲ့ မုန့်တွေအများကြီး။ အဲဒါတွေအကုန်ဝယ်စားရင်ကော။ အင်း..မဆိုးဘူးပဲ။ ပိုက်ဆံကို ဘယ်ဖက်လက်ကကိုင်ပြီး ညာဖက်လက်က ပွတ်သပ်ကြည့်နေစဉ်မှာပဲ တစ်ယောက် ယောက်ကဆွဲလုတာခံလိုက်ရသည်။

“ကိုမိုးသီး”

ကျွန်တော်တို့နှစ်ယောက်လုံး ကြောင်သွားမိသည်။ အဲဒီအစ်ကိုကြီးက ကျွန်တော်တို့နှစ်ယောက်ကို ကြုံရင်ကြုံသလို အနိုင်ကျင့်တတ်သည်။ ကျွန်တော်တို့ထက် သုံးလေးနှစ်တော့ကြီးမည်။

“ပြောစမ်း၊ ဘယ်ကရတာလဲ၊ ငါ့ကိုတစ်ဝက် ပေးရင်ပေး… မပေးရင်တော့ ဦးသိန်းဝင်းတို့နဲ့ တိုင်လိုက်မှာ… ဘာမှတ်လဲ”

“ကျွန်တော်ကောက်ရတာဗျ၊ ခင်ဗျားကြီး အနိုင်မကျင့်နဲ့၊ ပြန်ပေး”

သက်ထွေးက သူ့လက်ထဲက ပိုက်ဆံကိုပြန်လုသည်။ သူကရှောင်ပြေး။ ကျွန်တော်တို့နှစ်ယောက်ကလိုက်နှင့် ရုန်းရင်းဆန်ခတ် ဖြစ်ကုန်သည်။ ၀ပ်ရှော့၏ အပေါ်ထပ် ထပ်ခိုးလေးမှာမို့ သူများတွေကြားသွားမှာလည်း ကြောက်ရ၏။

“ဟုတ်လို့လား၊ မထင်ပါဘူး၊ ဘယ်ကအကြံအဖန်ရလာတာလဲ၊ ဒီအကြောင်း ငါအောက်ဆင်းပြီးဖွလိုက်ရင် ဘာဖြစ်သွားမလဲသိတယ်နော်၊ ငါ့ကို အသာတကြည်တစ်ဝက်ပေးလိုက်”

“ခင်ဗျားကြီး သူများပိုက်ဆံကို ဘာလို့ အလကားလိုချင်ရတာလဲ၊ အချောင်သမားကြီးပေးဗျာ”

“ခွေးကောင်လေး၊ မင်းကများ ငါ့ကို အချောင်သမားလေးဘာလေးနဲ့”

သူက ဖိုးထွေးကို လာထိုးဖို့ပြင်သည်။ ဒီတစ်ခါ ကျွန်တော်တို့ သည်းခံတော့မည်မဟုတ်ပါ။ အလုပ်နှင့် ပတ်သက်ရင် အမြဲတမ်း အနိုင်ကျင့်ခံထားရတာမို့ ဒီဘဲကြီးကို စိတ်တိုတာတော့အမှန်။ ကျွန်တော်တို့ နှစ်ယောက် သူ့ကိုပြန်ပြီး ခုခံမိသည်။ ဖိုးထွေးကိုထိုးဖို့ ပြင်ထားသည့် လက်သီးကို ကျွန်တော် လှမ်းဖမ်းဆုပ်လိုက်ပြီး သူ့ဗိုက်ကို တအားကန်ထည့်လိုက်သည်။ သူအားခနဲအော်ပြီး လဲကျသွား၏။ ချက်ကောင်းထိသွားပုံရသည်။ အောက်ထပ်မှာရှိတဲ့ဝပ် ရှော့သမားတချို့ လှမ်းဆဲ သည်။

“ဖိုးထွေး၊ လာ…မြန်မြန်ပြေးမယ်”

ငါးထောင်တန်ကို ဖျက်ခနဲဆွဲလုပြီး ကျွန်တော်တို့နှစ်ယောက်ပြေးဆင်းသည်။ မင်းတို့တွေ လူလို နားမလည်ဘူးလား။ ဘာညာနဲ့ လှမ်းဆဲသံတော့ဆူညံသွားသည်။ ဂရုမစိုက်ပါ။ ၀ပ်ရှော့အပြင် ဘက်လမ်းမထက်ကို ပြေးလာခဲ့ကြသည်။ ကိုမိုးသီး
နောက်ကလိုက်မလာတော့။ ၀ပ်ရှော့က လူတွေကလည်း ကျွန်တော်တို့အချင်းချင်း နောက်နေကြတာဟု ထင်ပုံရသည်။

“ကဲ…ဖိုးထွေး၊ လက်ထဲထားရင် ဒုက္ခများမယ့်ပိုက်ဆံ…ရှော့လိုက်ကြစို့”

လမ်းမထက်က ၀က်သားဒုတ်ထိုးဆိုင်တစ်ဆိုင်မှာ ကျွန်တော်ကဦးဆောင်ပြီးဝင်ထိုင်သည်။

တစ်နေ့မုန့် ဖိုး ၂၀၀ နှင့်စား၍မရသော၊ ကျွန်တော်တို့ အင်မတန်မှ အာသီသပြင်းထန်စွာ စားချင်နေခဲ့သော ၀က်သားဒုတ်ထိုးကို ၅၀၀၀ ဖိုး ပြည့်အောင်အထိ အပြတ်တွယ်ပစ်ကြသည်။ အလုပ်သိမ်းပြီးခါစ၊ ညနေခင်းထမင်းစားချိန်ကို စောင့်ရတာမို့ ဗိုက်ဆာနေချိန်နှင့်ကွက်တိ။ အဲဒီက အပြန်မှာတော့… သာမန်မဟုတ်သည့် ကြီးမားသော အပြော င်းအလဲကြီးတစ်ရပ် ဖြစ်ပွားခဲ့ပါသည်။ ကျွန်တော့်အတွက် မျှော်လင့်နေခဲ့သောအရာပြည့်ဝပေမယ့် ဖိုးထွေးအတွက်တော့….။

×××××

Photo - myanmarpeoplemagazine

(၄)

“ကျော်ကျော်၊ မင်းအဖေရောက်နေတယ်။ မင်းကို လာခေါ်တာ”

ဝပ်ရှော့ရှိရာ ခြံဝင်းထဲဝင်လိုက်တာနှင့် ကိုမိုးသီးကလှမ်းပြောသည်။ အခုတော့လည်း သူ့ ပုံစံက ဘာမှမဖြစ်ခဲ့သလို။ ကျွန်တော်နှင့်သက်ထွေး တစ်ယောက်ကိုတစ်ယောက် ကြည့်လိုက်မိကြသည်။ ကျွန်တော့်ရင်ထဲလှိုက်ခနဲ ၀မ်းသာမိပေမယ့် သက်ထွေးမျက်နှာမြင်လိုက်ရတော့ စိတ်မကောင်းဖြစ်မိသည်။ ဒီကောင်တစ်ယောက်တည်း ကျန်ခဲ့ရမှာပေါ့။ ကိုမိုးသီးများ အမြဲတမ်းအနိုင်ကျင့်လေမလား။

“မင်းလိုက်သွားရတော့မှာပေါ့နော် ကျော်ကျော်”

ကျွန်တော် ခေါင်းညိတ်လိုက်ပါသည်။ ဆူညံလွန်းသည့်ကားစက်နှိုးသံတွေ၊ ဘတ္ထရီကလစ်ပွတ်တိုက် သံတွေ၊ ရှဲခနဲ ရှဲခနဲ ဖြာထွက်နေသည့် မီးပွားမီးတောက်များ၊ အလွယ်တကူဖျက်မရသော ဆီချေးများ၊ အိုဗျာ… ဒီဝပ်ရှော့ထဲကအရာတွေ
အားလုံးကို မုန်းတာပါပဲ။ မိုးရွာရင်တော့ ပိုဆိုးတာပေါ့။ အခုရော... မိုးဖွဲလေးတွေရွာနေတာဆိုပေမယ့် လုပ်ငန်းခွင်မှာ မဟုတ်တဲ့အတွက်ကြောင့်လား။ အဖေလာခေါ်လို့ ပျော်နေတာကြောင့်လားမသိ။ ကျွန်တော်မိုးကို မမုန်းမိတော့။ အဖေက ကျွန်တော့် ကိုအပြီးလာခေါ်တာဖြစ်သည်။

ဝပ်ရှော့မှာ အလုပ်မလုပ်ခိုင်းချင်တော့ဘူးတဲ့။ ကျွန်တော်ပျော်မိသည်။ တစ်ပြိုင်နက်တည်း သက်ထွေး အတွက်ဝမ်းနည်းမိသည်။ သူ့ကို ကျွန်တော် ဘယ်လိုနှစ်သိမ့်ရပါ့မလဲ။ အဖေနှင့် ဦးသိန်းဝင်းတို့တွေ စကားပြောနေတုန်းမှာပဲ ကျွန် တော့်အထုပ်တွေ သိမ်းဆည်းရသည်။ သက်ထွေးက ကူသိမ်းပေး၏။ အ၀တ်တွေခေါက်သိမ်းရင်း သူ မျက်ရည်ကျတာကို ကျွန်တော်မြင်ရသည်။

“မိုးတွေရွာရင်… မင်းစိတ်ညစ်စရာမလိုတော့ဘူးပေါ့နော် ကျော်ကျော်၊ မီးစက်ကြီးလည်း မနှိုးရတော့ဘူး၊ ဆီချေးတွေလည်း မပေတော့ဘူး၊ ဘာပဲဖြစ်ဖြစ် မင်းအတွက် ငါဝမ်းသာပါတယ်”

မျက်ရည်ရွှဲရွှဲနဲ့ပြောနေသည့်သူ့ကိုကြည့်ပြီး ကျွန်တော်ပါရောမျက်ရည်ကျမိသည်။

“ငါက ဒီမှာမလုပ်ပေမယ့် တခြားမှာ လုပ်ရမှာကွ၊ အဖေက ဒီထက်ကောင်းတဲ့နေရာမှာ အလုပ်သွင်းပေးဖို့ လာခေါ်တာတဲ့၊ ငါအဆင်ပြေ ရင် မင်းကိုလာခေါ်မှာသက်ထွေး၊ ငါမုန်းသလို မင်းလည်းမုန်းတဲ့ ဆီချေးပေဘ၀မှာ မင်းအမြဲမနေရပါဘူး၊ ခဏပဲ၊ ငါမင်းကိုလာခေါ်မယ် သူငယ်ချင်း”

“အေးပါ သူငယ်ချင်းရာ”

အတူအိပ်၊ အတူစား၊ အတူအလုပ်လုပ်ရင်း ၂၄နာရီပတ်လုံး အတူတူနေရတာမို့ ကျွန်တော်တို့ သံယောဇဉ်က သာမန်ထက် ခိုင်မြဲပါသည်။ အ၀တ်အစားထုတ်ကိုလွယ်ရင်း အဖေရှေ့ကသွားရာ နောက်လိုက်ကာ ၀ပ်ရှော့ကြီးရယ်၊ သက်ထွေးရယ်ကို ကျွန်တော်သမင်လည်ပြန်ငေး မောမိသည်။ မျက်စိအောက်က မပျောက်မချင်း ကျွန်တော့်ကို တာ့တာပြနေသည့် သက်ထွေး၊ မိုးစက်မိုးပေါက်များကြား ကျွန်တော်တို့သွားရာ အပြေးလေးနှင့်လိုက်ရင်း တာ့တာပြနေသည့် သက်ထွေး၏မြင်ကွင်းကို ကျွန်တော်ဘယ်တော့မှမေ့လိမ့်မည်မဟုတ်ပါ။

ကျွန်တော် ဒီဝပ်ရှော့ကို တစ်ခေါက်ထပ်လာမည်။ ဒီလိုမျိုး ညစ်ညစ်ပတ်ပတ်လည်း မလုပ်ရ။ ဒီထက်လည်း ၀င်ငွေကောင်းသည့် အလုပ်ကို ကျွန်တော်တို့နှစ်ယောက်အတူတူ လုပ်ကိုလုပ်ရမည်။ ဒီ ဆုံးဖြတ်ချက် လုံးဝခိုင်မာစေရပါမည်။ သက်ထွေးကို ကျွန်တော်လာခေါ်မည်။ အဲဒီအချိန်… မိုးတွေရွာရင် ကျွန်တော်တို့နှစ်ယောက် မိုးကို မုန်းတော့မည်မဟုတ်ပါ။

×××××

မေတ္တာရိပ်မှာအေးချမ်းကြပါစေ။


တိမ်တိုက်ထွန်း (ကစ္စပနဒီ)


Open Source URL
http://www.people.com.mm/life/relationship/1998

ဝန်ခံချက်

(Myanmar People Magazine ၏ Website ဖြစ်သော www.people.com.mmမှ 
Copy ကူးယူ၍ ဤ Blog ပေါ်
ပြန်တင်ထားခြင်းဖြစ်ပါသည်။)

ကိုစိုင်းငယ်(tgi)