မြက်ပင်

Photo - Google Image

မိုးမြင့်​တွင်​ ​အောင်​လံလွင့်​
သဇင်​ကဲ့သို့
ပွင့်​​ဝေခွင့်​မရ​သော်​လည်း
ကိစ္စမရှိပါ။

မြေပြင်ထက်​​တွင်​
လွတ်​လပ်​စွာ ရှင်​သန်​ခွင့်​ရခဲ့​ပြီး
ငှက်​က​လေး​များ၏ အသိုက်​
ကျွဲ၊နွား၊သိုး၊ဆိတ်​များ၏ အစာ
ဖြစ်​ရသည်​ အတွက်​
ငါ ​ကျေနပ်​သည်​။

ငါ့ကို ဘယ်သူ နင်းနင်း
စိမ်းလန်းစို​ပြေသည့်သီချင်း
ငါ ဆို​နေမည်​။

ကိုစိုင်းငယ်​(​တောင်​ကြီး)

မမြင် မခင် မကြင်ပဲ လွမ်း

Photo - မိုးမခမဂ္ဂဇင်း

မထားတတ်တဲ့စိတ်က ကျဉ်းနေတော့
ချောင်းကလေး
ထားရာမှာ အေးအေးမနေနိူင်ဘူး
ထားတတ်တဲ့ စိတ်က ကျယ်ဝန်းနေတဲ့အခါ
ပင်လယ်ပြာ စေရာကို သွားနိုင်တယ်

ပန်းသတင်းကိုလည်း လေညှင်းဆောင်ရဲ့
လူသတင်းကိုလည်း လူချင်းဆောင်ခဲ့ဆိုလေတော့
လူကို လူချင်းလွမ်းတာ ဆန်းသလား

ကက်ဆက်ထဲ
လွင့်ဝဲလာတဲ့ သီချင်းထဲမှာ
အလွမ်းတွေများများပါလာရင်
မြန်မြန်လွင့်ပြီး များများလွမ်းနေလိုက်ကြရုံပေါ့
လူကိုသေစေတတ်တဲ့ ဗုံးသေနတ်သံတွေမှ မဟုတ်တာပဲ

ဘာလဲ
ခင်ဗျားက အလွမ်းကိုဖမ်းချုပ်ထားနိုင်စွမ်းတဲ့ ထောင်မှူးကြီးလား
လွမ်းဆွတ်ခြင်းနဲ့ ဝမ်းနည်းကြေကွဲခြင်းမှာ မူပိုင်ခွင့်ရှိလို့လား
ဒါဆိုရင်လည်း
ခင်ဗျားရဲ့ကျဉ်းနေတဲ့ စိတ်တွေနဲ့
အလွမ်းကို ထောင်သွင်းအကျဉ်းချထားလိုက်ပါ
မူပိုင်ခွင့် မှတ်ပုံတင်ပြီး ပလက်စတစ်လောင်းထားလိုက်ပါ

ကျယ်ဝန်းတဲ့ ကျနော်တို့ရဲ့စိတ်တွေထဲမှာ
တစုံတယောက်ရဲ့ တစုံတရာအတွက်
လွပ်လပ်စွာလွမ်းနေမယ့် နေ့ရက်တွေက မကုန်မခမ်း
လွမ်းရေးရှိက ဆက်လက်လွမ်းနေကြမည်သာ။

ဆောင်းယွန်းလ
(သြဂတ်စ် ၁၄ ရက်၊ ၂၀၁၇)

Open Source URL
http://blog.moemaka.com/2017/08/blog-post_61.html?m=1

ဝန်​ခံချက်​
(2017 August လထုတ်​
မိုးမခမဂ္ဂဇင်း မှ
တဆင့်​ ကူးယူ၍ ဤ Blog ​ပေါ်တွင်​
ပြန်​တင်​ထားခြင်းဖြစ်​ပါသည်​။)